मदनमंजिरी

प्राजक्ता माळी अभिनित 'फुलवंती' चित्रपटाचा ट्रेलर मागच्या आठवड्यामध्ये प्रदर्शित झाला आणि तो वेगाने समाजमाध्यमांवर सामायिक होऊ लागला. या चित्रपटातील गाणी देखील सर्वत्र बघायला मिळत आहेत. स्वतः प्राजक्ताने ही गाणी रील स्वरूपात तिच्या सोशल अकाउंट्सवर सामायिक केलेली आहेत. या गाण्यांमधील प्रामुख्याने "मदनमंजिरी" ही लावणी मराठी प्रेक्षकांच्या पसंतीस उतरत असल्याचे दिसते.  
लावणी हा मराठी नृत्य प्रकारांतील अविभाज्य घटक आहे. कित्येक दशकांपासून मराठी चित्रपटांमध्ये लावणी पाहण्यात येते. अगदी अलीकडच्या काळात देखील अनेक चित्रपटांमध्ये मराठी सिनेतारकांनी उत्तम उत्तम मराठी लावण्या सादर केल्या होत्या. परंतु फुलवंती चित्रपटातील प्राजक्ताची ही लावणी बघितली तर या नृत्यप्रकारास तिने अतिशय बारकाव्याने सादर केल्याचे दिसते. आधुनिक काळातील लावण्या ह्या काही कलाकारांमुळे अश्लीलतेकडे झुकत असल्याच्या दिसून येतात. परंतु मराठी भाषा आणि संस्कृतीची उत्तम जाण असलेल्या प्राजक्ताने या लावणी मध्ये आपला जीव ओतल्याचे दिसते. लावणीतील आपल्या कलेच्या बाबतीत ती 'परफेक्ट' असल्याचेच यातून दिसून येते. तिच्या व्हिडिओजवर रसिकांच्या पडत असलेल्या कमेंट्स वाचून आजही मराठी लोक उत्तम कला प्रकाराला उस्फूर्त दात देतात, हेही दिसते. अशाच कलाकारांमुळेमुळे मराठी संस्कृतीतील कला जिवंत आहेत. किंबहुना याही पुढे त्या अशाच बहरत राहतील.
युट्युबवर संगीत कंपनीच्या अधिकृत खात्यावर सदर व्हिडिओ अपलोड केलेला आहे, एकदा अवश्य बघा आणि आपली प्रतिक्रिया नक्की कळवा.

https://www.youtube.com/watch?v=oEmD35XlsKU